Qungasequteeraq (tungujortoq)

Manutooq 1
3905 Nuussuaq
Kalaallit Nunaat
Oq.toqq.: +299 38 56 00
E-mail: mail@uni.gl

CVR normu: 19785289
GLN normu: 5790001953676

GrønlandsBanken
Konto: 6471 1001415
IBAN: GL3864710001001415
SWIFT - BIC: GRENGLGX

Ilisimatusarfik makkunuuna malinnaaffigiuk:

Ilisimatusarfiup internetikkut kiffartuussiviinik atuinermut internetikkullu pisiniarfimmi pisinermut inuttut namminertut inuuneqarneq pillugu politikki

Aallaqqaasiut

Inuttut namminertut inuuneqarneq pillugu politikkimut matumunnga siunertaavoq paasissutissanik, nittartakkatsinnik atortutsinnillu internetimut tunngasunik allanik atuininnik Ilisimatusarfiup qanoq atuisarneranik suleqatigisartakkattalu qanoq atuisarnerannik nassuiaanissaq.

Ilisimatusarfiup pisussaaffigaa sapinngisamik pitsaanerpaamik paasissutissanik ilinnut tunngasunik illersuinissaq paasissutissallu nittartakkatsinnik pitsaanerpaamik ingerlatsinissamut taamaallaat pisariaqartunik atuinissaq. Aammattaaq Ilisimatusarfik pisussaavoq illit pillutit paasissutissanik illersuinissamut akuerisaanngitsumik takuneqaqqunagit atorneqaqqunagillu. Ilisimatusarfimmi pisinermi Ilisimatusarfiup pisussaaffigaa paasissutissat pisiniarnermik naammassinninnissamut pisariaqartuinnaat katersorlugillu atornissaat taakkualu isumannaatsumik toqqornissaat.

Inuit pillugit paasissutissanik illersuineq pillugu Nunatsinni inatsisiliaq atuuttuartoq Ilisimatusarfimmit eqqortinneqartarpoq.

Ilisimatusarfimmiut kikkuuppat?

Ilisimatusarfik - Grønlands Universitet
Manutooq 1
3905 Nuussuaq
Postboksi 1061
Oqarasuaat: +299 38 56 00
E-mail: mail@uni.gl

Nittartagakkamut tunngatillugu aamma inuttut namminertut inuuneqarneq pillugu cookies-illu pillugit politikkinut tunngatillugu Ilisimatusarfimmi attavissaavoq:

Per Arnfjord
Oqarasuaat +299 38 56 24
E-mail: per@uni.gl

Sullississutitsinnik atuineq

Atuinerit nittartakkatsinnik https://www.uni.gl -imik – quppernernillu taakkununnga attuumassutilinnik, ilaatigut internetikkut pisiniarfimmik https://webshop.uni.gl-imik immaqalu intranetimik -imik – atuininnut tunngavoq. Aammattaaq atuinerit pisininnut, inniminniininnut, naammagittaalliorninnut imaluunniit oqarasuaatikkut allakkatigulluunniit saaffiginnissutinut assingusunut tunngavoq.

Ilisimatusarfiup paasissutissanik inunnut ataasiakkaanut tunngasunik atuinera suliarinneriaasialu

Ilisimatusarfik inuit pillugit paasissutissanik suliarinninnermut inatsisiliamik atuuttuartumik eqqortitsisarpoq, tamatumunngalu ilaatigut ilaapput Ilisimatusarfik inatsisitigut, eqqartuussivimmi aalajangiinikkut assingusutigulluunniit paasissutissanik uagut pisariaqartitatsinnik tunniussinissamut pisussaaffeqalissagaluarpat tamatuminnga ilinnik paasititsinissaq, taama peqquneqarnerput inatsisinik unioqqutitsinerunngippat.

Ilisimatusarfik illit pillutit paasissutissanik nittartakkatsinni tamanut ammasumik tunniussannik katersuineq ajorpoq. Tamatumunngali tunngatillugu paasitereerusuppatsigit uagutsinnut ilinnullu attuumassuteqanngitsut pisinnaatitaanatik paasissutissanik ilinnut tunngasunik illit uagut nittartakkatsinnut nammineq ilisannik katersuillutillu atuinissaata unitsinnissaanut periarfissaqanngitsugut.

Inuit pillugit paasissutissat attuumassuteqanngitsunut tunniunneqanngisaannarput taamaaliortoqarnissaanik erseqqissumik akuersisimanngikkuit – aamma inuit pillugit paasissutissanik katersuinngisaannarpugut nalunaarsuinermi, pisinermi imaluunniit misissueqqissaarnermi assingusuniluunniit illit pillutit paasissutississimanngikkutsigut. Tamakkununnga tunngatillugu ilaatigut uku pillugit paasissutissat katersorneqartarput: ateq, najugaq, postnormu, e-maili, suiaassuseq, ukiut, soqutigisat il.il.

Inuit pillugit paasissutissat atorneqartarput pisinermik sullissinermilluunniit, paasissutissanik katersuinermut pissutaasunik, naammassinninnissamut. Tamatuma saniatigut paasissutissat atorneqartarput illit pillutit nittartakkatsinnillu atuisartunik allanik ilisimasaqarnerulernissamut.

Illit pillutit paasissutissat toqqortarpavut qarasaasiani killilimmik iserfigineqarsinnaasuni inini nakkutigineqartuni inissinneqarsimasuni – isumannaallisaassutivullu ingerlaavartumik misissorneqartarput aalajangiiffigiumallugu atuisut pillugit paasissutissaativut naammaginartumik atorneqarnersut illillu atuisutut pisinnaatitaaffitit suli innimigineqarnersut. Internetikkulli paasissutissanik nuussinerup isumannaassusia 100%-imik qulakkeerneqarsinnaanngilaq, tamatumalu kinguneranik paasissutissat akuerisaanngitsumik iserfiginiaratarneqarsinnaapput paasissutissat elektroniskimik nassiunneqarlutillu toqqorsimatinneqaraangata. Taamaalillutit illit pillutit paasissutissanik tunniussinerit illit nammineq akisussaaffigivat.

Ilisimatinneqarusukkuit illit pillutit paasissutissat suut Ilisimatusarfiup toqqorsimanerai uagutsinnut saaffiginnissinnaavutit. Paasissutissat ilinnut tunngasut eqqortuunnginnerat ilumuunnginneralluunniit paasinarsippat pisinnaatitaavutit taakkua naqqinneqarnissaannik, peerneqarnissaannik atorunnaarsinneqarnissaannilluunniit piumasaqarnissamut. Illit pillutit paasissutissanik atuisoqarnera qaqugukkulluunniit maalaarutigisinnaavat. Aamma akuersissutit qaqugukkulluunniit tunuartissinnaavat. Paasissutissanik ilinnut tunngasunik atueriaatsip naammagittaalliutiginissaanut periarfissaqarputit. Naammagittaalliut Datatilsynet-mut nassiunneqassaaq.

Cookies-inik atuineq

Ilisimatusarfiup nittartagaanik sapinngisamik pitsaanerpaamik atuisoqarnissaa qulakkeerniarlugu Ilisimatusarfik cookie-mik Google Analytics-imik, nittartakkamik qanoq atuisoqarneranik paasissutissanik suliarinnittartumik, atuivoq. Google Analytics-ip paasissutissanik atueriaasianik paasisaqarnerujumaguit matumani innersuussutigineqarpoq Google Analytics-ip nammineq inuttut namminertut inuuneqarneq pillugu politikkia: https://policies.google.com/technologies/partner-sites?hl=da.

Cookies-it pillugit politikkerput tamaat uani atuarsinnaavat.

Nittartakkanut allanut linkit

uni.gl-imi nittartakkanut allanut – ilaatigut inoqatinut attaveqaatinut soorlu Facebook-imut, YouTube-imut, Twitter-imut, Linkedin-imut il.il. – linkit nanineqarsinnaapput. Linkinik nittartakkatta avataaniittunik atuinermi eqqumaffigissavat taakkunani Ilisimatusarfiup inuttut namminertut inuuneqarneq pillugu politikkia cookies-illu pillugit politikkia atuutinngimmata, taamaattumillu nittartakkat taakkua inuttut namminertut inuuneqarneq pillugu politikkerisaat cookies-illu pillugit politikkerisaat innersuussutigineqarput, kajumissaarpatsigillu taakku atuaqqullugit.

Nittartakkap matuma internetikkut pisiniarfiani pisiaqarnermi

Nittartakkatta pisiniarfittaani pisiniarnermi paasissutissanik – pisinivit naammassineqarnissaanut taamaallaat atorneqartussanik – tunniussisarputit, paasissutissallu toqqorneqarlutilluunniit ingerlateqqinneqartarput taamaallaat nuussisoqarnissaa qulakkeerniarlugu. Taamatut pisinermut tunngatillugu inuit pillugit paasissutissat pisavut attuumassuteqanngitsunut tunniunneq ajorpavut. Ilisimatusarfilli inatsisitigut eqqartuussivitsigulluunniit aalajangiinikkut pisussaalersinnaavoq paasissutissanik tamakkuninnga ingerlatitseqqiinissamut.

Nalunaarummik matuminnga cookies-inulluunniit politikkimik allannguineq

Nalunaarummik matuminnga allannguinissamut immitsinnut pisinnaatippugut. Nalunaarutitsinnut imaluunniit Cookies-it pillugit politikkitsinnut tunngatillugu oqaasissaqaruit uagutsinnut saaffiginniinnarina.

Ilisimatusarfiup pisinnaatitaaffiinik unioqqutitsineq imaluunniit inuit inuunerannik navianartorsiortitsineq assigisaanillluunniit

Nalunaarutit, atuinerit ilisarnaatillu il.il. piginnittussaatitaasunit illersugaasinnaapput, taakkuninngalu nittartakkatsinni atuineq pisinnaatitaaffinnik taakkuninnga atorunnaarsitsinerunngilaq piginnittussaatitaasulluunniit suliaminik siammarterinissamik akuerinninneranut ersiutaanani. Taamatut assingusumilluunniit pisoqartillugu Ilisimatusarfiup illit pillutit paasissutissanik, Ilisimatusarfiup nittartagaq aqqutigalugu pisimasaanik illilluunniit nittartagaq aqqutigalugu tunniussannik, tunniussinissaq pisariaqartutut nalilersinnaavaa.

Taamatuttaaq Ilisimatusarfik eqqortumik piginnaaniligaalluni inuit inuunerinik illersuiniarluni imaluunniit eqqissisimasoqarsinnaaqqullugu toqqissisimasoqarsinnaaqqullugulu paasissutissanik tunniussisinnaavoq.

Cookie suua?

Cookies-it nittartakkanit tamanit atugaapput. Ilaannikkut nittartakkat siunertamut naapertuuttumik atorsinnaanngortinneqartarput aatsaat cookie-t atoraanni.

Cookie filiuvoq atortorissaarutinnut (qarasaasiannut, tabletinnut IT-miluunniit atortorissaarutinnut allamut) ilineqartartoq. Cookie iluaqutigalugu qarasaasiat ilisarineqarsinnaavoq aamma browserit atorlugu nittartakkanik atortunillu sorlernik alakkaasimanerit pillugu paasissutissanik katersuisoqarsinnaavoq. Cookie-lli takusinnaanngilaa kinaanersutit, qanoq ateqarnersutit, sumi najugaqarnersutit qarasaasialluunniit inummit ataatsimit arlalinnilluunniit atorneqarnersoq. Aamma qarasaasianik virusinik programminilluunniit ajoqutaasunik allanik siaruaasinnaanngilaq.

Cookies-it statistikkimut atorneqarneri

uni.gl siullermeerlutit alakkarukku, nittartakkap ataatungaani tuugassat marluk takussavatit: "Itigartippaa" aamma "Akuersineq". "Itigartippaa" toorukku, taava cookies-it statiskimut atorneqartartut Ilisimatusarfiup nittartagaanit ilineqarnavianngillat. "Akuersineq" toorukku, taava cookies-inut politikkerput akuerissavat. Soorunami aalajangikkat allanngortittuaannarsinnaavat nittartakkap assitaata naqqani cookiemut ilisarnaqutip toorneratigut. uni.gl-ip cookies-inik ilisinissaa kissaatiginngilluinnarukku, taava cookies-it atorneqarneri browserinni qamissavat.

Browserinni – browserimik sorlermik atuinerit apeqqutaalluni – qanoq inissiisinnaaninnut ilitsersuussutit aajuku:

Google Chrome-imik atuiguit, taakkua ilitsersuussutaat ammaruk una toorlugu
Internet Explorer-imik atuiguit, taakkua ilitsersuussutaat ammaruk una toorlugu
Mozilla Firefox-imik atuiguit, taakkua ilitsersuussutaat ammaruk una toorlugu
Safari-mik atuiguit, taakkua ilitsersuussutaat ammaruk una toorlugu
Opera-mik atuiguit, taakkua ilitsersuussutaat ammaruk una toorlugu
iPad-imik, iPhone-imik iPod Touch-imillu atuiguit, taakkua ilitsersuussutaat ammaruk una toorlugu
Flash playerimik browserinit arlalinnit atorneqartartumik atuiguit, taakkua ilitsersuussutaat ammaruk una toorlugu

Nittartagarput cookies-inik sorlernik atuiva?

Ilisimatusarfik uni.gl-imik ingerlaavartumik pitsanngorsaaniarluni Google Analytics-imik atuisarpoq. Google Analytics nittartakkanik misissueqqissaarnermik kiffartuussiviuvoq cookies-it iluaqutigalugit atuisut uni.gl-imik qanoq atueriaaseqarnerannik paasissutissanik katersuisartut iluaqutigalugit. Ilisimatusarfik ilaatigut paasitinneqartarpoq quppernerit sorliit alakkakulaneqarnerunersut inunnillu qassinit alakkarneqarsimanersut il.il.

Paasissutissanik katersuinermi kinaassutsit takuneqarsinnaaneq ajorput, paasissutissallu taamaallaat uni.gl-imik atuinermik pitsanngorsaanermut tunngatillugu atorneqartarput.

Google Analytics-ip inuit pillugit paasissutissanik atueriaasia paasisaqarfigiumallugu – una tooruk.

Tamatuma saniatigut cookies-inik allanik atuineq ajorpugut.

Cookies-inik piiaagit

Browserinni cookies-inik piiaajuaannarsinnaavutit. Qanoq ililluni taamaaliortoqarsinnaanersoq browserimiit browserimut assigiinneq ajorpoq. Ikiortissaaleqiguit ilaatigut ilitsersuussutit matuma qulaatungaani eqqaariikkavut alakkarsinnaavatit – browserimik sorlermik atuinerit apeqqutaalluni.

Matumani allassimapput internetikkut pisiniarfitsinni inniminniinermut akiliinermullu tunngatillugu niuernermut piumasaqaativut

Akiliutigineqartoq aamma akit

Internetikkut pisiniarfimmi taamaallaat danskit kronii (DKK) akiliutitut atorneqarput. Akinut allassimasunut tamanut nassiunnerat ilanngunneqarneq ajorpoq.

Akit tamarmik ullormut akiupput ullormi inniminnerneqarfianni atuullutik. Tunngaviusutigut akinut allannguuteqartoqarsinnaavoq akit nalinginnaasumik ingerlaavartumik allannguivigineqarneq ajoraluartut.

Qanoq nassinneqarnissamik toqqaanermi nassiussinermut aningaasartuutaassangatinneqartut pisisup pisiat nassiunneqarfissaannik paasissutissiissutai naapertorlugit naatsorsorneqartarput allaffissamilu ”Nunap ilaa - nassiussaq”-mi takuneqarsinnaassallutik pisiallu katillugit akiannut ilanngunneqassallutik.

Kortit akiliutit uku akiliutigineqarsinnaapput: dankort, visa/dankort, visa aamma mastercard.

Pisiassat pillugit paasissutissat

Internetikkut pisiniarfimmi pisianut tunngasut pingaarnerit paasissutissiissutigineqarput. Pisiassaq pillugu paasisaqarnerujumagaanni Ilisimatusarfimmut e-mailimik nassiussisoqarsinnaavoq uunga: mail@uni.gl.

Nassiusseriaaseq nassiussinerullu sivisussusia

Internetikkut pisiniarfik aqqutigalugu pisiarineqartut tamarmik Ilisimatusarfimmiit Kalaallit Nunaannut Europamullu umiarsuakkut nassiunneqartarput. Nunanut allanut nassiussassat timmisartukkut nassiunneqartarput. Tamatumunnga tunngatillugu naatsorsuutigineqartariaqarpoq nassiussinerup sivisunerunissaa Kalaallit Nunaanni nassiussinermi atugassarititat pissutigalugit. Pisisoq aamma aalajangersinnaavoq pisiassat inniminnikkani Ilisimatusarfimmut Nuummiittumut saaffiginnilluni aaniarlugit.

Tuniniaasoq TELEPOST Greenland-imik taassumalu pisianik nassiussinermi suleqatigisartagaanik atuivoq.

Nassiussinerup sivisussusia pillugu suli paasisaqarnerujumasut uunga innersuuppavut: https://telepost.gl/privat/post/send/poortukkat.

Ilisimatusarfiup pisiaq nassiutereerpagu pisisoq tamanna pillugu e-mailikkut ilisimatinneqarumaarpoq tamatumunngalu periarfissaqarpat track&trace-normumik nassiunneratalu sivisussusissaanik paasitinneqarumaarluni.

Nassiussisinnaassuseq

Pisiassat ilutsillu ilaat nunguttooratarsinnaapput, tamannalu pissutigalugu pisiassat ilaat inniminnerneqarsinnaasassanngillat.

Inniminniineq

Pisiassamut ilagitillugu akimik saqqummiussineq neqeroorutaanngilaq pituttuisoq, neqerooruteqarnissamulli kajumissaarutaavoq. Pisiniartup pisiassanik Ilisimatusarfimmut inniminniinera pituttuisumik akuersissutaanngilaq, Ilisimatusarfimmulli neqeroorutaavoq pituttuisoq periarfissat paasissutissiissutigineqartut naapertorlugit pisiassamik pisinissaq pillugu. Taamaalilluni pisiniartoq Ilisimatusarfillu pituttuisumik isumaqatigiissuteqartarput aatsaat Ilisimatusarfik pisiniartup neqeroorutaanik pisiniummut uppernarsaat atorlugu akuersigaangat.

Pisiniummut uppernarsaat

Pisisoq sukkanerpaamik, nalinginnaasumillu ullut suliffiit 1-3 iluanni, pisiniummut uppernarsaammik nassitsissaaq e-mailimut pisisup paasissutissiissutigisaanut. Ilaannikkut allaffissornikkut atukkanik pissuteqartumik sivisunerusumik utaqqisoqaratarsinnaasassaaq.

Akiliineq

Konto pillugit paasissutissat pisiassanik pisinermi allattorneqartut PBS-imut paasiuminaallisakkatut (SSL) toqqaannartumik nassiunneqartassapput taamaallaat pisisumit PBS-imillu atuarneqarsinnaallutik. Dankorti kortiluunniit akiliissut alla atorlugu pisinermi aningaasat kontomit tiguneqartarput pisiarineqartoq Ilisimatusarfimmit nassiunneqaraangat.

Ajutoortoqaratarsinnaanera ajoqusertoqaratarsinnaaneraluunniit

Aatsaat pisiat inniminnikkat pisisup tiguppagit pisiat inniminnikkat ajutoortoqaratarsinnaasutigut aserornerat ajoquserneqarneralluunniit pisisup akisussaaffigissavaa.

Naammagittaalliorneq

Ilisimatusarfik pisinermi inatsit naapertorlugu ullormit pisiffimmiit ukiuni marlunni naammagittaalliorsinnaatitsivoq pisiap sananerani kukkusoqarsimatillugu (ajoquteqartoqartillugu). Naammagittaalliorsinnaatitaanermut ilaanngillat toqqaannartumik toqqaannanngitsumilluunniit pisiamik ajortumik atuinermit, aserfallatsaaliuilluarsimannginnermit, qajassuussinnginnermit atuisussaatitaanngitsunilluunniit akuliuttoqarneranit ajoqusiinerit, nungullaanerit. Naammagittaalliorsinnaanermut atuinermut tunngatillugu pisiat allagartaat Ilisimatusarfimmut takutinneqassaaq. Pisiat nassiussarsiat amigaateqarnerannik naammagittaalliuteqartoqassappat pisisoq amigaateqarneranik paasinnereernerminit sukkanerpaamik piffissarlu sivisuallaanngitsoq ingerlareertillugu Ilisimatusarfimmut saaffiginnissaaq. Namminersorluni inuussutissarsiutilittut pisisut naammagittaalliorsinnaapput amigaatigineqartoq paasiaakannerneranit qaammatit marluk qaangiutinnginneranni. Saaffiginniaanngikkunik pisisoq amigaatigineqartumik naammagittaalliutiginnissinnaatitaajunnaassaaq. Pisisoq piumaffigineqassaaq amigaatigineqartup suuneranik ilisimatitsinissamik.

Utertitsisinnaaneq

Pisisup Ilisimatusarfik nalunaarfigippagu nassiussarsinerminit ullut 14-it qaangiutinnginneranni pisinini peqqissimissutigisimallugu, Ilisimatusarfiup aningaasat akiliutigineqarsimasut utertissavai. Pisiarineqarsimasut akilernagit imaluunniit nassitanut akiligassanngortillugit utertinneqartut Ilisimatusarfimmit tigujumaneqarnavianngillat.

Utertitsinermi nassiussalerisunik pisiarineqarsimasup sumut killinneranik paasissutissiisinnaasunik atuisoqarnissaa qinnutigineqarpoq, pisiarineqarsimasoq utertillugu nassiunnerani tammassagaluarpat. Pisiaq poortorluarlugu nassiuguk – pisiat allagartaata kopiianik ilanngussillutit, erseqqissumillu allakkiuk utertitsisinnaanermik atuerusullutit pisiallu akia utertikkusukkit. Aammattaaq qinnuigissavatsigit ilisimateqqulluta pisininnik peqqissimissutiginninninnut pissutaasumik (piumasaqaataanngilaq). Malugiuk pisiassanik annoraaminiusunik naqiternertalinnik inniminniisimatilluni utertitsisinnaanermut tunngatillugu immikkut piumasaqaateqarmat.

Pisisoq aalajangersimappat pisiani Ilisimatusarfimmut aaniarlugu, tuniniaasullu pisisoq allakkatigut ilisimatissimappagu pisiaq aaneqariaannaasoq, tuniniaasoq akiliinermik taamaatitsisinnaatitaavoq pisisup ullut 14-it qaangiutsinnagit pisiani aasimanngippagu, imaluunniit aaneqarfissatut allamik isumaqatigiissuteqartumit ullut 14-it qaangiussimappata. Tamatuminnga pissuteqartumik pisineq tuniniaasumit taamaatinneqarpat tuniniaasup aningaasat kontomut pisisup pisinermini atugaanut utertissavai. Pisisoq pisinini naammassiumassappagu aallaqqaataaniit inniminniisinnaavoq. Malugiuk pisiassanik annoraaminiusunik naqiternertalinnik inniminniisimatilluni utertitsisinnaanermut tunngatillugu immikkut piumasaqaateqarmat.

Akisussaaffeqarumannginneq qularnaveeqqutillu

Ilisimatusarfik utertitsisussaatitaanngilaq toqqaannartumik toqqaannanngitsumilluunniit annaasaqarnermut pisiat inniminnikkat pisisumut apuutiaanngippata, imaluunniit pisiat inniminnikkat amigaateqarpata, tikiaannginnerat amigaatilluunniit pisisup iliuusianit ilaginnaaneranilluunniit pissuteqarpata, imaluunniit pissutsinik Ilisimatusarfiup aqussinnaanngisaanik pissuteqarpata, soorlu naalagaaffiup Namminersorlutilluunniit Oqartussat akuliunnerannik, suliumajunnaartoqarneranik sulisitsiumajunnaartoqarneranilluunniit assigingusunilluunniit pissuteqarpata.

Allannguisinnaatitaaneq

Ilisimatusarfik niuernermut piumasaqaatinik internetikkut pisiniarfimmut atuuttunik imminut allannguisinnaatillunilu nutarterisinnaatippoq.

Annoraaminernik naqiternertalinnik pisinermut piumasaqaatit immikkut ittut

Aatsaat pisiniamit inniminniisoqarsimatillugu tuniniaasoq pisiassanut pisiniap toqqagaanut logonik il.il. naqiterisitsissaaq, tuniniaasoq pisiassanik siumut naqiternertaliisimanngippat. Pisiniarli naammagittaalliorsinnaatitaavoq pisiaq tigunerani ajoquteqartillugu amigaateqartillugulu.

Pisisoq pisiaminik annoraaminiusunik naqiternertalinnik Ilisimatusarfimmut aallernissaminik ilisimatitsisimappat pisisorlu kingorna aallinngippat Ilisimatusarfik pisinermik tamatuminnga taamaatitsinani aalajangiusimanniinnassaaq. Tamatuma kingorna Ilisimatusarfik pisiaq pisisumut piareersimatissavaa pisisoq akiliitillugu, piareersimatitsinerlu pisiap akianik qaangiippat Ilisimatusarfik imminut pisinnaatissaaq pisiassamik pisiniartumut allamut tuniniaanissamut pisiassamilluunniit aseruinissamut.

Maalaaruteqarsinnaaneq

Pisiat maalaarutigerusukkukku Ilisimatusarfimmut saaffiginnissaatit mail@uni.gl-imut allallutit, sapinngisatsinnillu aaqqiissutissarsiorumaarpugut.

Tamatuma kingunera naammaginarissanngikkukku Atuisartut Pisisartullu Maalaarutaannik Aalajangiisartunut maalaaruteqarsinnaavutit. Tamanna pillugu paasisaqarnerugit Atuisoqarnermut Unammilleqatigiinnermullu Aqutsisoqarfiup nittartagaani: www.aua.gl.

Amerlassuseq, qinerpaa:
Nassiussaq:	Umiarsuakkut Kalaallit Nunaannit (imaluunniit nammineq aallugit)
Aki:	kr. 90,00